تاريخ الاضافة
الثلاثاء، 1 يناير 2008 09:56:56 م بواسطة المشرف العام
0 1452
أصغي لصوتك ولا جاني نداك
في جمالك سحر .. وعيونك .. هلاك
الوضيحي منك سارق مدمعه
طبعك انّك ما اتّصنّع مستحاك
خذت لفتات الغزال ومرمعه
ارفع المنشول لى داجه كساك
لف منشول السّبايك وارفعه
غط به نور البياض اللى زهاك
خل منشوله يغطّي مفرعه
لا تشوفك شمسك اللى في سماك
لو تشوفك تنحني لك خاضعه
البدر يبدي خسوفه من ضياك
كيف روح ٍفي هواك مولّعه
في لقاك آكون في حال ارتباك
وكل شيٍ يختلف عن موضعه
أصغي لصوتك .. ولا جاني نداك
اتّجاهلني وصوتي تسمعه
تاه قلبي غصب عنّي في هواك
ليت من خذه بظلايم .. رجّعه
المحب اللى بإحساسه رجاك
عمره الغالي بوهمك ضيّعه