تاريخ الاضافة
الأربعاء، 16 يناير 2008 08:24:58 م بواسطة المشرف العام
0 751
عبق الخزامى
البال رايـق للشعـر والشعـر راق.
فاحت..مباهيره علـى ذوق هـاوي..
واسترسل الخافق من الشعـر مـالاق
مثايلن..معنـى هدفـهـن يــداوي..
تشرح صدور أهل المكارم والأخلاق..
وتلجم جمـوح ملفقيـن الحكـاوي..
الشعر له عنـدي مـدارات وآفـاق..
ودروب عز وخيل شعر وعـزاوي..
يجري مجاري الدم بالعـرق دفـاق..
يرقا سنود وفوق وصـف المنـاوي..
الله على روضٍ خضر وقت الأشراق
وعبق الخزامى أنفاس عيـن النـداوي
حبيبتي..جيتك وفا..جيتـك أشـواق..
من حر شوقي جيت درب وخطاوي..
بعيش واقع حب ساكـن بالأعمـاق..
بشعور روح ونبض ماهـو رجـاوي
مشتاق لك مشتاق ياكـل الأشـواق..
يابسمـة الخاطـر وذوق الهـواوي..
ياهاجس اللهفـه وحبـي والأشـراق
ياشمس عيدي وفجـر ليـل الدعـاوي
الله وهبك الحـب بعهـود ووثـاق..
يبقى طـوال العمـر لحـن وغنـاوي
حبيبتي..والشـوق ذابـح وحـراق..
أعيـش بغيابـك وحيـدٍ جــلاوي..
النبض يشتاقـك والأنفـاس تشتـاق..
لفرحتـك ياغايـتـي والمـنـاوي..
خوذي الوفا والحب ياكـل الأذواق...
بهديك من نبضـات قلبـي نجـاوي..
لا..يابعد كـل المشاعـر والأذواق..
فدوة عيونك عمـر روح الشقـاوي..
جيتك وفا جيتك شعـر جيتـك آفـاق
خوذيني أشواق وغلا وذووق هـاوي
إسم الشاعرإسم الكاتبالبلدإسم القسمالمشاهدات
محمد فهد الطريسيمحمد فهد الطريسيالبحرين☆ دواوين الأعضاء .. عامِّي751
لاتوجد تعليقات