تاريخ الاضافة
الإثنين، 13 يونيو 2005 10:35:06 ص
0 859
روحي تحبك
روحي تحبـك والغـلا ذابحنّـي
ودي بشوفك يا حياتـي ولامـاك
حب قديم فـي الضمايـر سكنّـي
داخل حنايا القلب رسمك وموطاك
أهواك انا ولا حد غيـرك فتنّـي
لك صادق الإحساس والعمر يفداك
أهواك يا ساكن بفكـري وظنِّـي
طيفك يشاغلني وادوِّر على رْضاك
اصون حبك بالغـلا لـو محنّـي
غالي معي يا كبر حبك ومَغْـلاك
إنته وانا والأصـل منّـك ومنّـي
كل السعاده والأمل فـي محيّـاك
حكم الزمن مبعدك يا زيـن عنّـي
روح المشاعر تشتكي طول فرقاك
بادر بوصلـك مـا يفيـد التمنّـي
وانا مقدّر لك ظروفـك وارعـاك
إسم الشاعرالبلدإسم القسمالمشاهدات
مطلع الشمسالإمارات☆ شعراء العامية في العصر الحديث859
جميع الحقوق محفوظة لبوابة الشعراء .. حمد الحجري ©