تاريخ الاضافة
الإثنين، 13 يونيو 2005 10:44:25 ص
0 685
حالي الذوق
عطني غلا واعطيك عمري وحالي
حبٍ مخلّد ما حلم فيـه مخلـوق
يا شاغل احساسي وعمري وخيالي
يا من لقلبي بلسم الجرح والعـوق
مِنْك الوفـا يكفـي وهـذا منالـي
في دنيتي يا حالي الطبع والـذوق
أرقب وِفَاكْ وحايره فـي سؤالـي
واحس اني دون شوفتك مخنـوق
بعدك يعذبنـي.. يزيـد انشغالـي
الله يعين ويفـرج الهـم بشفـوق
في وحدتي أجلـس أعـد اليالـي
واسهر معاها لين طلعات لشروق
صوتك يصبِّرني ويرثـي لحالـي
اسْتَر به ويخفـف الهـم الشـوق
وان شفت طيفك ابتهج باحتفالـي
واسرح لحد الصبح ينساب وافوق
عجّل بوصلك واِفْتِهم ما جرالـي
وان مِتْ انا افداك يا حالي الذوق
إسم الشاعرالبلدإسم القسمالمشاهدات
مطلع الشمسالإمارات☆ شعراء العامية في العصر الحديث685
جميع الحقوق محفوظة لبوابة الشعراء .. حمد الحجري ©