 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| ضاع الفكر واتبدل الحال تبديل |
| ولا عاش من أقبل زمانه يرده |
| كني على بغلن عقب صفوة الخيل |
| طبع الزمن يرخى .. ومراتن فشده |
| يوم شفت اللي غدا طايح عليل |
| من غلا مهر الحبيب اللي يوده |
| قتله علامك شايل الهم بالكيل؟ |
| لا نلت مربوحك ولا عزمك يصده |
| كلمني والدمع على خده يسيل |
| والتعب بيّن على حاله وهده |
| قال هلها ما بغوني ألها خليل |
| شيبوا راسي عجب ذيك المكده |
| ما طابلي عجبها صبح ومجيل |
| ودي أخذها ونحيا في موده |
| *** |
| يات أمها تشرط عليّ المستحيل |
| وتقول هات وهات جيبك لا تسده |
| ابغي لبنتي فله ماشي لها مثيل |
| وسيارتن عدادها ما سار بعده |
| وأبغى لها كوشه عسى عمرك طويل |
| وانته تعرف هالبنت عندي لوحده |
| مابا يقولوا الناس شاماهم بخيل |
| أما مهرها هذا أبوها يحده |
| *** |
| قال الشمايه حملها حملن ثقيل |
| كم عندك؟ وكم يايب؟ وكم اللي ترده |
| الشمايه يا ولد مب حيالله دخيل |
| ومهر البنت يوب هل داري بعده |
| عد الألف فوج الألف سبعه اكملن تكميل |
| هذا المهر لي نطلبه ولبنتنا نبغي ونوده |
| ابحروبي بحر طامي وضاع عقلي والدليل |
| الام ما ترضى بقليل والأبو ماشي يسده |
| وين أولي للبنك؟ ولا استوي قاطع سبيل؟ |
| لين أوفي هالشروط والقلب يهنى بسعده |
| *** |
| قلتله يا خوي أّصبر بالصبر تلقى بديل |
| صد قلبك عن حبيبك كان تقدر له وردّه |
| يوم الأهل ما قدروا انوي عن دارك رحيل |
| ويوب رجلك .. امغطه ألحافك ومده |
| هذا الشقاء يا ناس صرحن به التمثيل |
| والسموحه يا عرب باللي قولي يحده |
| من زود وناتي اهذي بقولن نكيل |
| ياليتني شاعر.. وافضي مالشعر واعّده |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
