إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
وش تقول؟! اقرب ترى ماسمعك زين
|
مدري والله وش تثرثر وش تقول
|
الرجال افعال والوقفات دين
|
ماتغيّر لابعرض ولابطول
|
جيت لك عاني وعندي كلمتين
|
اسمع وركّز وهرجك لايطول
|
الكلام انامااعيده مرتين
|
لانه مايخفى عن اصحاب العقول
|
صابرً والله على صبري يعين
|
محتري كلمه من الظبي الجفول
|
تلعب بقلبي شماله واليمين
|
مشكله ماتقبل انصاف الحلول
|
جيت اداريها وهي عيّت تلين
|
قاسيه واللي يداريهاامهبول
|
قلت اكلمهاوزدت الطين طين
|
قامت براسي زغاريد وطبول
|
مادريت الاّ وباقي خطوتين
|
عن هواي وخفت يلمحناعذول
|
لعنبوجد الصبايا ياحسين
|
كيف يظربن المشايخ بالذهول
|
كنهاشيخه على الناس اجمعين
|
تعشق الهايج ولاتحب الذلول
|
كامله بالزين والعقل الرزين
|
ماتحب الاّ الكريم ابن الأصول
|
جتني الهيئه وسوّت لي كمين
|
سالفه لوقلتهاالهرجه تطول
|
قال هذا شيخناعبدالمعين
|
رح وشف له وش يسوّي وش يقول
|
قلت هذي اللي خذت عقلي سنين
|
قلت هذي واسمهاالظاهر بتول
|
قام يلمحني كذا وبنص عين
|
لوترى شكله تقول انه كسول
|
قال وش عندك تقول انك فطين
|
قلت هذي اللي لهاعندي ميول
|
شفت موتي في شفاهاوالجبين
|
والنواعس موت يغشاهاالخمول
|
رمشهايخطف قلوب المعجبين
|
خصرهاكنه يعاني من الذبول
|
جت وقال الشيخ لاتتكلمين
|
اسكتي يابنت وممنوع الدخول
|
ابعدي واستغفري لاتقربين
|
والله ماسمع لوغدى الكبريت لول
|
قام ينصح قلت ياعبدالمعين
|
والله مدري وش تثرثر وش تقول
|