إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
رفع سماعة الهاتف .. حاول الاتصال .. رد عليه جهاز .. الشخص المطلوب غير متواجد .. اترك رسالتك .. .قطع الاتصال .. ثم عاد مرة أخرى ليترك هذه الرسالة ....... |
أظنَّ إنَّك تذكَّرني |
إذا صوتك لمس صوتي |
وأظنّ إنَّك تبي تعرف |
حياتي بعد ماكنت الوحيد اللي عرف موتي |
أنا يا صاحبي ما غبت |
ولا غابت عن الدنيا حكاياتي |
حزين وقصتي سطرين |
ممات .. ومت |
ورحلة في بداياتي |
إذا عسعس عليَّ الليل |
يميل لنسمته جرحي .. مثل غصن الشجر عطشانْ |
وجذره فا الثرى غرقانْ |
مثل ما تقول .. أخاف الليلْ |
يقولون الشعر فا الليلْ |
وأهل الشعرْ .. لا دلْهم عليهم ليل يحبونهْ |
وأنا لحالي .. ما بين اللي خلق ربي يخافونه |
أبيكِ إنتَ .. |
بدال الليلْ .. أبي صوتك يجيني صبحْ |
وأبيك إنتَ بدال الجرحْ |
تسولفلي .. عن اللي قبل ما أشوفك يحبونك |
عن اللي بعد ما شفتك يهابونكْ |
أبيك إنتَ .. تصوَّر لو تكون الجرحْ ..! |
*** |
تصدق .. |
ليلة البارح .. تذكرتك |
تخيَّلتك .. وعاتبتكْ عتاب أحبابْ |
وقلت فنفسي وآنا أضحكْ |
صحيح إنَّ الهوى غلاَّب |
يجيلك قلبْ |
ثلاثة شهور ما أشوفكْ |
وفيديني .. كتاب الحب |
ثلاثة فصول ما منها من حروفكْ |
يجيلك قلب |
وأنا مثلك يجيلي قلبْ |
أعاند بالوسل روحي |
وأنا اللي دايما محتاجْ |
أعلمها عن جروحي |
عن اللي كانْ |
دوا موصوفْ |
جعل مني ضرير يشوفْ |
ورجَّعني وأنا شايب |
بقايا شبْ |
عنيد وصلبْ |
يجيلك قلبْ ......؟! |