تاريخ الاضافة
الإثنين، 4 يناير 2010 11:10:45 ص بواسطة المشرف العام
0 914
قلة ادب
يا قلب زايد ما لك الا تستريح
ويش استفدت من التعب غير التعب ؟؟
أشعلت شمعة كانوا الأصحاب ريح
ذبحك برد الوقت , شحوا بالحطب
حاولت في وجه الليالي ما تطيح
مالوا عليك بحملهم لــ اتفه سبب !!
تمشي لهم بالطيب وجروحك تصيح
يمشون لك بالعكس مع : قلة أدب !
تغفر لهم زلاتهم , تدمح , تبيح
يستهدفونك بالملام وبالعتب
تضيق فيك , وكونهم عنّك فسيح
وشلون تتعجب ولله العجب
مهما تجمّل صورتك تبقى قبيح
فـــ عيونهم تبقى الغريب عن العرب
جهّالهم لاقصى جروحك تستبيح
وصمتك يسمونه بنظرتهم شغب
يا قلب طاوعني وريّح واستريح
بعض العرب مالك وراه الا التعب
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث914