تاريخ الاضافة
الإثنين، 4 يناير 2010 11:20:25 ص بواسطة المشرف العام
0 879
الله يخليك
يا ذا الغريب اللي جروحك منافيك
مالك وطن يستوعب أحلام دنياك
عمرك تسرّب من سنينه لياليك
وما عاد تدري وين ؟ أو كيف وداك ؟
من واقعك .. أحلام قلبك تصحيّك
على السواد اللي من سنين صحّاك
كنك تقول لحزنك : الله يخليك
شف لك أحد غيري وانا اوعدك ما انساك
في وحدتك ما غير حزنك يسليك
مواجعك تكتبك والحزن يقراك
ما بينك وبينك أغانيك تغنيك
لو الفرح ما عمره فــ يوم غــنّاك
وحيد تشعلك الدقايق وتطفيك
منسي .. تدوّر في عيونك خطاياك
إحساسك إنك ! صرت ما عدت تعنيك
يجعلك ما تحرص إذا ضعت تلقاك
مرات .. رشدك للضلالة يوديك
مرات غيّك هو طريقك للإدراك
ياسك : أملك إنك تحقق أمانيك
أملك : ياسك فــ ابتسامة محيّاك
حتى ولو ضحكتك لحظة تداريك
ما للشقي غير الشقاء أرض وأفلاك
ويا شينها لا صارت أرضك منافيك
غريب في أرضك وناسك ودنياك
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث879