دخيلك ياهوى الغربي على قلبي تهب بزين | |
|
| تراك محملن بشياء تهز القلب وضلوعه |
|
تراك محملن بشيان خفيه مستحيل تبين | |
|
| ولايفطن لها كون الجريح ملاوع اللوعه |
|
عليك الله وجاه الله تلف يسار ولايمين | |
|
| ولاتحيي عروق جروح من عامين مقطوعه |
|
تنحرتك وانا اعرف النتيجه دمعه وبيتين | |
|
| ومجموعة هواجيسن تخالف هي ومجموعه |
|
وتنفستك وانا اعرفك على روح الشقي حدين | |
|
| لكن الله ومرك وجابني باقدام مقلوعه |
|
وجودي وجد من خلي يقيده الزمن للدين | |
|
| عفيفن ما اظهر الحاجه ولافزعوا له ربوعه |
|
والاياوجد حالي وجد من خلي يشوف الشين | |
|
| يتيمن كلمته لا من شكى ماهي بمسموعه |
|
توفى ابيه عاده مابعدهو ينطق اسمه زين | |
|
| وعاش ابلا اخوان وناقع كمه من دموعه |
|
على اللي راح بفوادي وانا ادري ليه وادري وين | |
|
| وروح روحةن مجبوعةنماهي بمتبوعه |
|
ملا صدري غلا واقفا وانا ضامي فواد وعين | |
|
| لونه غير وادعني علي اهون من الروعه |
|
وبنى له في الحشى سورنمثل سورنبني في الصين | |
|
| يرد العاذل ويحمي ورود فيه مزروعه |
|
حلف لي دين ماينسى وانا اللي قد عطيته دين | |
|
| انا ديني على ماهي وهو ماغير طبوعه |
|
على خبري لكني رحت ادور للحقيقه لين | |
|
| عرفت اسباب ماتقنع وشفت اسباب مشروعه |
|
لونه راح هاجرني علي اهون من الثنتين | |
|
| مراح مايبيه وعبرةن في الحلق مقروعه |
|
عسى ربي يسامح كل من له في الفراق ايدين | |
|
| سبق سيف الفراق العذل ياروحين منزوعه |
|
دخيلك ياهوى الغربي ترى ماني من السالين | |
|
| ولو بينت لك ضحكه تراها صدق مصنوعه |
|
دخيلك كف ولا لف ولا غير هب بزين
|
إبلاغ عن خطأ
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
