تاريخ الاضافة
السبت، 18 يونيو 2005 01:02:43 م بواسطة حمد الحجري
0 1870
ليت العمر يهدى
ليت العمر يهدى .. أبهديك عمري
تستاهل الايام يا زهو الايام
لو الهوى المحبوس في جوف صدري
يظهر على العالم غشى العالم هيام
فيني غرام فوق محمول صبري
و فيني خيال فوق تصوير الاحلام
صباحي اسرحلك و في ليلي اسري
و إلى هجع فكري خفوق الهوى قام
و الله مالي غير الأشواق عذر
و اللي عرف شوق المواليف ما لام
يا من يبيع الصبر يا ناس و اشري
محتاج كل الصبر و اصخي بالاقيام
يا مالك امري وش نواياك بامري
ارحم خفوق عن هوى غيركم صام
حالي غدى مثل المساويك مبري
يا باري حالي ترى البعد ظلام
أدري بحالك و انت بالحال تدري
ياالله عسى ذا العام أحسن من العام
إسم الشاعرالبلدإسم القسمالمشاهدات
خالد الفيصلالسعودية☆ شعراء العامية في العصر الحديث1870
جميع الحقوق محفوظة لبوابة الشعراء .. حمد الحجري ©