الجفول اللي على حيانها محدن غصبها | |
|
| مر تقلبها مزوح ومر تقلبها دعاوي |
|
عيطموس ٍ أية ٍ للحسن فالأرض ونسبها | |
|
| بنت شيخ ٍ ينحسب ماهوب من عرض الشواوي |
|
الأمل في مطلق التفكير لعبه من لعبها | |
|
| والهقاوي والرجاوي والدعاوي والمناوي |
|
لو درت وش كثر ماغليها ووش كثر احتسبها | |
|
| كان ما قفت وانا مالي عن ارضاها غناوي |
|
الفؤاد فوادها لن ماعجبها وأن عجبها | |
|
| والجروح اجروحها والطب سلطان المداوي |
|
والعيون اللي من اللهفه يشاغبني هدبها | |
|
| تذكر اعيون المهاه وتذكر اعيون النداوي |
|
والحواجب دقة الملي متر منها كسبها | |
|
| كنها شمسة سواعيه على بشتن حساوي |
|
ثغرها من خدها يغتار ويبايح حسبها | |
|
| في ثغرها الجمر والرمان والثلج امتهاوي |
|
نحرها تفاحتينه خاشراتن في عنبها | |
|
| بينهن عرق ٍ كريم وبينهن عرق ٍ جفاوي |
|
جادل ٍ شارد نشاشة ساق زملوقه اركبها | |
|
| ظامرة سرجوف ملهوفة حشى والعود راوي |
|
الرغد يغدق على مياسها سندس تربها | |
|
| مسك ٍ ابيض وان عطفت الها مكاسر عود جاوي |
|
من سببها ماحدن مرتاح كله من سببها | |
|
| تشتل القلب المريح وتشقي القلب الشقاوي |
|
الله يبايح رضى شعبان ويسلم رجبها | |
|
| بيني وبين الثنين من الشهور الذيب عاوي |
|
يوم حر الصيف يبعدها وياخذ من نصبها | |
|
| ماتحلويت المنام اللي تحلواه العباوي |
|
الله اللي خصها بالحب عن باقي عربها | |
|
| والله اللي خصني معها ببعضات الدعاوي |
|