على اولك ياسيد التعب والتعب سجان | |
|
| مفاريد غر النور ف الحلق منزره |
|
مقادير ياللي لو تثيقلت شانك شان | |
|
| عطاشا هدب لاهان منك اشقر الغره |
|
عيونك سفر في طرقة ٍ مالها عنوان | |
|
| خذت جملة السبع العجايب لها قره |
|
سنينك ترف وانا سنيني بقايا انسان | |
|
| رمت به مقادير الليالي على الجره |
|
يابو قد يانع ماذوى الوقت غصن البان | |
|
| تبرد به انسام امنياته وتحتره |
|
تفاصيل ذكرى الغالي اللي مع الازمان | |
|
| تبيحه وتتمنى وصاله ولو مره |
|
لمع والسراب اليا لمع في فم العطشان | |
|
| تقوده له الآمال والطمعه أتجره |
|
وانا فيك لافكرت فالشعر والاوزان | |
|
| تفتق درابيل الخيالات بالمره |
|
درابيل قايد فيلقن يبرح الميدان | |
|
| يبى ينتصر للقدس ومحمد الدره |
|
صحيح انكسرت بعين جابر ولد حيان | |
|
| ولولا انكساري مااُكتشف عالم الذره |
|
بسيطٍ صنع تاريخ قلب وترف وجدان | |
|
| صعيب ٍ ترك كل امنياته ل من غره |
|
اناديك وانته رحت خيطٍ من الدخان | |
|
| وانا مالي الا اندهك واعاود الكره |
|
تثيقل وانا مابخسك حقك من النسيان | |
|
| ولن ماذكرتك جاتبك نبضةٍ حره |
|
هذا والمسافر راح ياوردة الركبان | |
|
| على جرته بيض الطموحات منثره |
|
بعد مابرهزت غربته في سماه وبان | |
|
| لعينه عيون الدار والجار محمره |
|
رحل والمسافه فم ثعل والطريق السان | |
|
| تردد وراه احلام دنياه وتبره |
|
انا اول حكاية فوق ماكان بالامكان | |
|
| وانا آخر مسافر راح محدن عرف سره |
|