تاريخ الاضافة
الأحد، 21 فبراير 2010 09:42:26 م بواسطة المشرف العام
0 455
يادنيا من أنتي له
خلاص انصك بابك يا الرجا واليوم دور الياس
تعلّق بي طعونه والجمل لا طاح عـزيّ لـه
تقول ان الصدر ماعاد عنده بالطعون احساس
ولو هو حس بطعون الزمن ما في يدي حيلـه
خلاص انكفت لابوها حيـاةٍ عزهـا بافـلاس
قرار ويعتبر تصحيح لـو هـو منيّـل بنيلـه
وداعـاً للسكـون وللهدوء ولعبـة الهوجـاس
وداعـاًً للتفاصيـل المملـه والـف تعليـلـه
ابسلك درب من قبلي طريق وقد مشوه النـاس
احد راضي واحد مجبر ويا دنيا من انتي لـه
عسى في راحتي راحه تساوي راحة المجلاس
وعسى ربي يعوضنـي بـوادٍ فايـضٍ سيلـه
تعبت من التعب واتعبت نفسي والتعب ينـداس
يجي له يوم ويهاجر ويلقـى مـن يغنـي لـه
ابترك كل حاجه دام في هالراس يسكـن راس
والا ياليت درب الهـم نلقـى عنـه تحويلـه
ثمان شهور والا اكثر بعد والباس فوق الباس
ثمان شهور من عمري قضت ما كنهـا ليلـه
هنا كانت طموحاتي قلم يرقى على القرطـاس
هنا كانت معاناتـي وحلـمٍ صعـب تأويلـه
هنا صبيت بعض جروح قلبي في بقايا كـاس
تجرعتـه لأن الدمـع مـا يعـرف مناديلـه
بديت استسخف اللي كان بعيوني ذهب والماس
لأن الفقر لو مـرّه بيسكـت مـا ينـادي لـه
خلاص انصك بابك يا الرجا واليوم دور الياس
تعلّق بي طعونه والجمل لا طاح عـزي لـه
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث455
جميع الحقوق محفوظة لبوابة الشعراء .. حمد الحجري ©