تاريخ الاضافة
الأحد، 21 فبراير 2010 09:55:46 م بواسطة المشرف العام
0 492
إلى أختي
ما ورى هالدمع دمع ولا ورى هالضيق ضيقه
خففي هالحزن مـا انتـي للتناكيـد مخلوقـه
اسألـك بالله لا تبكيـن شوفـي لـك طريقـه
غير هذا الدمع دام الوقـت لحظاتـه سروقـه
شي عادي فالزمن هذا أخو يطعـن شقيقـه !!
كم سمعنا عن مآسـي وابتسامـات مخنوقـه
اسمعي مني .. وانا ما اقول عنك انّك صديقـه
انتي اختي .. ما بها تشكيك وابياتي صدوقـه
ربما الإنسان يحمل حمل .. لكن مـا يطيقـه
وواجبي آآآقف معك عن وقتنـا هـذا وبوقـه
من عرفتك وانتي اختي صدق ب اثبات وحقيقه
لو تبين المـر اذوقـه ليـش لا والله لاذوقـه
بس ما ودي أشوفك ضايقه لـو هـي دقيقـه
خففي هالحزن مـا انتـي للتناهيـد مخلوقـه
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث492
جميع الحقوق محفوظة لبوابة الشعراء .. حمد الحجري ©