 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| فْيُومْ مَنْ لِيَّامْ |
| عَرَفْتْ دَرِّي فَقِيرْ |
| كُلّْ رَسْمَالُو قْلاَمْ |
| وْلُوحَة مَنْ قَزْدِيرْ |
| عَلَى ظَهْرُو سَلْهَامْ |
| مَنْ لَمْشَمَّعْ قْصِيرْ |
| فَقِيرْ وْفَعْيُونُو بَسْمَة |
| وْثَارْ مْعَ خُبْزْ الشّْعِيرْ |
| مَا بَايْنَة عَلِيهْ نَقْمَة |
| وَلاَ شْكَى حْزَانُو لَلْغِيرْ |
| كَانْ حُلْمُو كُلُّو لَقْمَة |
| وْجَغْمَة دَلْمَا دَلْبِيرْ |
| مْشَاتْ لِيَّامْ بْلَحْزَانْ وْلَفْرَاحْ |
| وْلاَقَاتْ لَعْوَامْ الِّليلْ بَالصّْبَاحْ |
| صَاحَبْنَا قْرَا وَتْعَلَّمْ |
| وَمْعَ لِيَّامْ دْرَكْ وَلاَّ يَفْهَمْ |
| شَافْ جْنَابُو وَتْبَسَّمْ |
| وَنْفَخْ صَدْرُو وْتْعَظَّمْ |
| قَالْ اللهْ يَرَحْمَكْ زْمَانْ |
| وْيَرْحَمْ لْبُو وْلَمِّيمَة لَحْنَانْ |
| جْمَعْ كُلْشِي فْسَلْعَة |
| وْبَاعْ كُلْشِي فْدَفْعَة |
| نْكَرْ لَحْبَابْ وْلَصْحَابْ |
| وْسَدّْ عَلْعَشْرَانْ الْبَابْ |
| دَارْ حْبَابُو هُمَا نْسَابُو |
| وْبَاعْ جَنّْتُو بَعْذَابُو |
| نْسَا بَّاهْ وْلَمِّيمَة لَحْنِينَة |
| وْخَلاَّهَا تَطْلَبْ النَّاسْ فْلَمْدِينَة |
| صَاحَبْنَاهَذَا مِثَالْ |
| عَلَى مَا يْدِيرْ فَبْنَادَمْ الْمَالْ |
| مَا يْدِيرْ الْجَاهْ وَالْكَلْمَة |
| فَقْلِيلْ الأَصَلْ وْمَعْدَنْ الْمَا |
| قَالْ الصَّادَقْ يَا إِنْسَانْ |
| كَمَا تَدِينْ يَا بْنَادَمْ تُدَانْ |
| وَلِّي دَارْ شِي فْوَالْدِيهْ وَالنَّاسْ |
| يْدِيرُوهْ فِيهْ النَّاسْ وَالصَّبْيَانْ |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
