تاريخ الاضافة
الإثنين، 8 مارس 2010 09:27:18 ص بواسطة المشرف العام
0 342
كحيلان
عند الغفيص الله يحيـي كحيـلان
وأبن غضيّه نشكر اللي سعـا بـه
النصر خلانـا معازيـب واخـوان
صرنا تحـت ظلـه نمثـل قرابـه
ياسيدي يا سيد المدح قل .. هـان
منهو سمع مدحي بك انت وشقا به
لو ما امدحك ما ظنتي باقي انسـان
يستاهل اني احتـزم فـي جنابـه
وانته حفيد المجد .. والجود سلطان
وابـوك تركـي والفعايـل تشابـه
العز لك ياعالي الصيـت عنـوان
طيب وتواضع زدت فيهـا مهابـه
فيصل ولد تركي وتركـي بليهـان
صقر السما وفـالارض ذيب الذيابه
عالي مقام ومنزله عالـي ٍ شـان
والبيّد قفرا وانـت اكـرم سحابـه
لو ان في هالكون ذا منـك اثنـان
ان كان ما نشكـي فلـول الرتابـه
لنك وطن في داخلك كتلـة اوطـان
عندك مصير المعضله صـك بابـه
للمجد قايـد / للمواجيـب مزبـان
للفوق فـوق / وللثقيلـه صلابـه
وكرسي الرئاسه ما يبي غيرك الان
انت الرئيـس ولا لغيـرك طلابـه
إسم الشاعرالبلدإسم القسمالمشاهدات
سلطان الأسيمرالسعودية☆ شعراء العامية في العصر الحديث342
جميع الحقوق محفوظة لبوابة الشعراء .. حمد الحجري ©