تاريخ الاضافة
الثلاثاء، 9 مارس 2010 12:26:55 م بواسطة المشرف العام
0 294
ضيقت صدري
ضيقّت صدري نعنبـو خاطـرك ليـه
وانا احسب انك طول الايـام عنـدي
لو كنت انـا ادري ان هـذا تواليـه
ماطاح مـن شيـل الثقيـلات زنـدي
ياصاحبـي ياضحكـة العمـر لبـيـه
الحضرمي سيفك ولا هـوب هنـدي
وان كان حدك عن مدى الراي قاصيه
لا تلفت من كبـر فـي قلـب جنـدي
فـي ذمتـي مايلحقـنـك مشـاريـه
لا بعـت بـي إم ك ولا بعـت لنـدي
ماني من اللي يسمـع العلـم ويتيـه
ولانـي علـى ماقيـل والله سبنـدي
ادزهـا والـراس ترسـي مواطيـه
هذي بنودك والا انـا ضـاع بنـدي
اسمع نصيحه جد من شخـص تغليـه
لا تشرب معسل على سـاق سنـدي
العمـر يمضـي والليالـي تبـاريـه
والناس وش سوت على عصر آغندي
ظلم الخطا يـا نعنبـو قلـب راعيـه
الباش وش عزه بطربـوش افنـدي
والصدر لا تنشد اليا ضاق وش فيـه
من وابل الصمـان والا انـت كِنـدي
وضيّقت بالـي نعنبـو خيـرك ليـه
اصيح ليه تـروح واثريـك عنـدي
إسم الشاعرالبلدإسم القسمالمشاهدات
سلطان الأسيمرالسعودية☆ شعراء العامية في العصر الحديث294
جميع الحقوق محفوظة لبوابة الشعراء .. حمد الحجري ©