تاريخ الاضافة
الثلاثاء، 9 مارس 2010 12:33:04 م بواسطة المشرف العام
0 522
قلب المولع
ياتـارك ٍ قلـب المولـع علـى مـاش
اليا متـى وانـا علـى صـدك آعيـش
اليا متى والخـد مـن شانـك دشـاش
طـال البعـاد ولا رون المعاطـيـش
لو المدى دمعي تـرى الدمـع ببـلاش
ولو المدى جرحي ابـا آقـول حتيـش
بس انت قلي ياقوي عـزم مـع جـاش
من كسّر انفاسك علـى هـزة الريـش
ومن علمك تقسى على جرحك الـلاش
جرح ٍ يسمـى مـن عيونـك مناقيـش
كم واحـد ٍ يسـوى بهالقلـب ماعـاش
وكم واحد ٍ ساكن ولا قلـت لـه ليـش
ليش انت من بد البشر عنـي انحـاش
ياناسف الروعـه علـى قمـة الطيـش
ياحلو .. يامملوح .. يابو هـدب كـاش
يانزف ... ياتيار ... يابـو عكاريـش
ارحم محب ٍ لك عليـه الزمـن شـاش
مايـوم ناديتـه ولا قــال بشـويـش
بشويش سمعنـي هكالصـوت لا نـاش
طبلة مسامـع رغبتـي دون تشويـش
وليّت ياساكـن هكالـدار ابـو طـاش
اسود / هدب / خدك على الصدر مانيش
ولو اني اصغر في عيونـك والاوبـاش
مانشّـدو عنـي رجـال ومطـاريـش
وكان الاسيمر ماقـوى النـوم بفـراش
عنتر بكا عبله علـى اطلالـة عليـش
ياوقت خذني تالي العمر آبـا اعتـاش
مايقعد الطيّـب وفـي مجلسـه ديـش
خذني مدام النـاس فـي علـم منقـاش
مليت لااركض عـن فلـول الاكاديـش
ياما ركزت اعوادهم بـأرض ٍ هشـاش
ويامـا نزفـت الـدم ماقيـل ذا ويـش
وياتارك ٍ قلب الاسيمـر علـى مـاش
اليا متى وانـا علـى صـدك آعيـش
إسم الشاعرالبلدإسم القسمالمشاهدات
سلطان الأسيمرالسعودية☆ شعراء العامية في العصر الحديث522
جميع الحقوق محفوظة لبوابة الشعراء .. حمد الحجري ©