تاريخ الاضافة
الثلاثاء، 30 مارس 2010 12:29:13 م بواسطة المشرف العام
0 435
ارتباك وضياع
ارتبـاك وضيـاع واسئلـه موغلـه
ارتفـاعٍ يـؤدي للسقـوط الاخـيـر
التفاصيـل كانـت للأسـف مذهـلـه
والمعانـي توصلّنـا لنفـس المصيـر
الأنوثه لهـا تفسيـر صعـب اجهلـه
فيه ريح الخزام وفيـه ريـح العبيـر
كـان بامكانهـا قلبـي كـذا تدخلـه
وبعد ما تدخله اصبـح لديهـا أسيـر
بس كان الغـرور وكانـت المشكلـه
والغرور ان تمكن صار أمرٍ خطيـر
يا ضياع الاماني يـا ضيـاع الولـه
علموّها ترانـي بـأي لحظـه اطيـر
كل كوكب بهذا الكون سهـل اوصلـه
وكل كوكب الاقـي فيـه بـدرٍ منيـر
من طلبني حنانـي مستحيـل اخذلـه
دام جسمي يشيل اليـوم قلـبٍ كبيـر
والقصايـد معانيهـا لـهـا تكمـلـه
ما تركت النهر منشان رشفـة غديـر
لي وجودي ولي اسـمٍ كبيـر احملـه
ما يضيع ببساطـه باستقالـة وزيـر
اعرف الشعر دايـم اصعبـه اسهلـه
وخذت جزل الفرزدق مع عذوبة جرير
بـس قولـوا لهـا لاتكمـل المهزلـه
كل شـيٍ تبيـه اليـوم لازم يصيـر
ارتبـاك وضيـاع واسئلـه موغلـه
وارتفـاعٍ يـؤدي للسقـوط الاخيـر
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث435
جميع الحقوق محفوظة لبوابة الشعراء .. حمد الحجري ©