يا صبح قبل اقـراك جيـت آتهجـاك |
واكتبك واكتبني معـك وانكتـب فيـك |
|
لعيون/ لا/ لقلوب ما تلحـق اقصـاك |
لقلوب/ لا / لعيـون بالدمـع تبكيـك |
|
شمسك قهر/ شمسك سهر لين تجفـاك |
شمسك مواجـع بارتباكـة خطاويـك |
|
الظـل مـا علّـق يدينـه بشـبّـاك |
وشعاع شمسك ميتٍ فـوق اراضيـك |
|
للسالفـه ريـقٍ نشـف يـوم نـاداك |
وللجرح صرخه ما تعـدت حراويـك |
|
ولحكايتي تنهيدتي وانـت مـا جـاك |
غير القليل من اكثـري بـس يكفيـك |
|
عن رهبتي جت رغبتي عكس الادراك |
ولوحدتـي ياسـي وظلـم الشبابيـك |
|
والغيبه اللي أيقظـت كـل الاشـواك |
وغفى عليها الـورد/ بالحـال تنبيـك |
|
يا غايبه لـو عانقـك دمـع ذكـراك |
فانـا معانقنـي مـن العـام طاريـك |
|
قلبي يسولـف بـك وعينـي تحـراك |
وعطرك على يمناي كـم لـه يناديـك |
|
إن غاب صوتك ! صورتك بين الافلاك |
بروزتهـا مابيـن هــذي وهـذيـك |
|
توجّسينـي خـوف قـدام لا اظمـاك |
وخلي غلاي بكـل الاحـوال يسقيـك |
|
واخذيني اقرب من مخدتـك واغطـاك |
واعطيني اللي كل ما احتجتي اعطيـك |
|
واذا رويتينـي غـلا قولـي اهـواك |
توك معي / توي معك حب / يمديـك |
|
العيـد / مـا للعيـد فرحـه بلـيـاك |
عيدي معك/ عودي لماضـي لياليـك |
|
خلينـي اقـرا فرحتـك واتهـجـاك |
واكتبك واكتبني معـك وانكتـب فيـك |