تاريخ الاضافة
الثلاثاء، 30 مارس 2010 12:31:34 م بواسطة المشرف العام
0 396
الأحرار
يضيق البال واشتال الهموم برغبـة الإصـرار
على دفن السهر في دفتـر الماضـي ومشـواره
خلاص انكفت يا قلبي من الترحـال والأسفـار
بلاش تجمّع جيوش الغـرام وتشـرب انهـاره
عشقت الله يخرب بيت عشـقٍ حدّنـي لافكـار
مليئـه بالجنـون وبالتسكـع داخـل الـحـاره
طموحٍ شايله في داخلـي يـا للأسـف وانهـار
تحت حصن الجهـل مابيـن بوابتـه واسـواره
(وما نيل المطالب بالتمنـي) واسـأل الأحـرار
غلاباً تؤخذ الدنيـا بركـضٍ طـال مضمـاره
وانا لو سولفت عنـي جروحـي ربمـا تحتـار
لأني ما خضعت لهـا بـدربٍ تاهـت انـواره
يموت من العطش قلبي واحس بداخلـي أنهـار
من العزه من السؤدد ومجـدٍ مـا طفـت نـاره
ولكـن طفلـةٍ لا سولفـت تستيقـظ الأزهـار
خذتني للضياع وقلت لجلـك باعكـس الطـاره
مادام العمر فانـي وش علينـا نعكـس التيـار
نذوق من الحلى في وقتنا اللي تهطـل امـراره
يصير اللي يصير وما نقول ش صار أو ما صار
مادام انّـا حرقنـا دفتـر الماضـي ومشـواره
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث396
جميع الحقوق محفوظة لبوابة الشعراء .. حمد الحجري ©