تاريخ الاضافة
الثلاثاء، 30 مارس 2010 12:32:19 م بواسطة المشرف العام
0 419
من متى والقلب يصبر
من متى والقلب يصبر على كثر الطعون
من متى والسجن يرتاح لاطلاق السجين
الظنون السود غطّت على بيض الظنون
واستحال الصبح ليلٍ نجومه مـا تبيـن
صاحبي ما دمت زليت لك عذر وتمـون
بس تكفى في جروح الغـلا لاتستهيـن
الجبل لو تسأله كيف تغريه المـزون ؟
أطرق براسه ويمكـن يفيّـض دمعتيـن
وانت يمكن ودك تكون مدري وش تكون
ودّك ان عجفاك دايـم نسميهـا سميـن
والعرب دايم يقولـون مـا لا يفعلـون
يسلكون الدرب الايسـر ونيتهـم يميـن
قالوا ان العيش والملح لايمكـن يهـون
كيف اجل بالعشره اللي تقـدّر بالسنيـن
وقالوا ان العقل مرات ضرب من الجنون
وانت لو باعطيك عقلي بتعرف ليه الين
يوم طاح الدمع شفتك تطيح من العيـون
ان قدرت ترجّع الدمع ترجع يا فطيـن
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث419
جميع الحقوق محفوظة لبوابة الشعراء .. حمد الحجري ©