تاريخ الاضافة
الثلاثاء، 30 مارس 2010 12:35:14 م بواسطة المشرف العام
0 411
الشماعه
الـجـرح تـقـراه العـيـون ودمّ قلـبـي يكـتـبـه
لا تلتحـف صمتـك ولا يسكـن زوايــاك التـعـب
وانـا تهجيّـت الزمـان مـن اسهلـه ليـن اصعـبـه
من اصعبه لين اصعبـه – عفـواً – تهجيّـت الصعـب
يـا معلّـق الدمعـه علـى شماعـة البـعـد انتـبـه
إن طاحت الشمّاعـه إتطيـح الدمـوع بـلا سبـب !!
اقربك يـا ابعـد مـن قـرب منّـي وحبيـت اقربـه
وابعـدك عنّـي موجـع اللحظـات وسلـوم وعـرب
شف ( كيف ) فنجال الغلا مـا غيـرك احـدٍ يشربـه
بلاش ( كيف؟ ) و ( هلّها ؟ ) واطلب ويا هون الطلـب
تعال ( باشيائـك ) وشـف ( لاشيئـي ) اللـي يتعبـه
خيـط السكـون اللـي تلّفّـه فـي دهاليـز العـتـب
لـو تستبيـح غوايـة العـاشـق بيـرخـي منكـبـه
لحكايـة الدمعـه علـى المنديـل واطـراف الـهـدب
لاتمسـح دموعـك !! مـا دام القلـب هـذا مكسـبـه
دمعتـك قـوّه فـي زمـان الضعـف دمعاتـك ذهـب
تعـال بلّلنـي مــن اوجــاع السنـيـن المجـدبـه
عـاش الهـدوء بزحمـة النسيـان واغتـال الصخـب
لو ما السهر يقتادنـي لـك شـوق مـا جيـت اسحبـه
قلـبٍ يئـنّ مـن الجـراح الفوضويـه والنـصـب !!
تعبـت مـا ملّـت تفاصـيـل الـزمـان المرعـبـه
جف الورق يا اجمل ندى وين انت؟ ما طاح الحطب ؟؟؟
مشتـاق لجراحـك ولافـراحـك وعـشـقٍ تسكـبـه
خـل السكـون يضـجّ بـك لاجيـت تملانـي شغـب
أو خلنـي للـمـوت والحـرمـان بالـدمـع اكتـبـه
عـادي ضياعـي ليـش تتعـجـب ولله العـجـب !!!
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث411
جميع الحقوق محفوظة لبوابة الشعراء .. حمد الحجري ©