تاريخ الاضافة
الثلاثاء، 30 مارس 2010 12:39:46 م بواسطة المشرف العام
0 447
رصاصة الرحمه
رصاصة الرحمه اطلقها وخلك شجـاع
إضغط زناد الجفا والهجر لو تستطيـع
إرحل وسافر عـن عيونـي بليـا وداع
واترك جروحي تغنّي للزهـر والربيـع
مليت من صمت حزني والطعون الوساع
مليت من حزن صمتي والسكون المريع
ماني موادعـك لكنـي باشيـل المتـاع
لين اعرف انك توصلت لقـرارٍ سريـع
يا مرتكي بين ذيك الحدب وامرك مطاع
تعبت ركابي وحبك ضاع مع كل ريـع
كنت انت وحدك هنيا كنت وبلا نـزاع
تستمطر الشوق واللهفه وتمطـر جميـع
كنت انت وحدك ولكن كل ما كان ضاع
وانا بعد كنت وحدي لين شفتـك تبيـع
ما كنت اصدّق ولكن يوم طـاح القنـاع
ماعاد للدمـع تأثيـره وشكلـه فظيـع
إرحل مع الليل قبل الصبح يرسل شعاع
وانا باوادع جروحك قبل طيفك يضيـع
وش فيك واقف وانا خابرك قلبك شجاع
إضغط زناد الجفا والهجر لو تستطيـع
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث447
جميع الحقوق محفوظة لبوابة الشعراء .. حمد الحجري ©