تاريخ الاضافة
الإثنين، 5 أبريل 2010 01:26:37 م بواسطة المشرف العام
0 411
جنب السور
اراضي بور وقبور وشعور ( اللا شعور ) يثـور
وادوّن لا مبالاتـي عـلـى رزنـامـة ايـامـي
خجل مدري وجل مدري عجل مدري سؤال يـدور
متـى أو ليـه أو لا لا بـلاش آكسّـر احلامـي
لأن الشمس من كم يـوم شحّـت لاتمّـر الـدور
لأن الليل من كم ليـل يحكـي لـي عـن آلامـي
لأن الجرح يبقى جرح ( والطابق ما هو مستور )
تعالي نلعـن الحـب وسنيـن الحـب واوهامـي
تعالي لا باجي لك / وقفتي هي هي بجنب السـور
اذا السور يتذكرني باقول لطلتـك ناااااااامـي !!!
على شباكك اللـي قـال لعيونـك مسـاء النـور
بعد ما اشتاق ليدينك وزينك يـا اجمـل اعوامـي
ابي عينك تشوف الخاطر اللي من ( فرح ) مكسور
وابي قلبك يبلّ الظامي اللـي لـو شـرب ظامـي
ابيك بكل حزنـك أو بمزنـك / دمعـك المنثـور
ثلاث شهور او اكثر رجفتك مـا هـزّت عظامـي
يقولون العرب فيمـا يقولـون ( السنيـن تـدور )
واقول ان دارت سنيني بغيـرك تاقـف ايامـي !!
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث411
جميع الحقوق محفوظة لبوابة الشعراء .. حمد الحجري ©