تاريخ الاضافة
الإثنين، 5 أبريل 2010 01:34:25 م بواسطة المشرف العام
0 455
اقرب الناس
وينك ؟ .. ذبل صوت السهر وامتلى ياس
وانـا علـى بابـه جـريـحٍ يعـانـي
ما كـن هـذا الليـل لـه حـد وقيـاس
ولا كـن ساعاتـه تعـزف الثـوانـي
الشوق لامـن وقّـع .. يطيّـر نعـاس
عيـنٍ تبيـك .. ولا تبـي شـي ثانـي
وانت تعرفني زين .. شاعر .. وحسّاس
واللـي علـى قلبـي يقولـه لسـانـي
هي جملةٍ وحده من الـراس .. للـراس
لا غبـت عنـي كـل حـزنْ يغشانـي
واحـس كـن القلـب بشويـش ينـداس
باقـدام غيباتـك يابـو قلـب جـانـي
مـا كنـه الا غصـن وغيابـك الفـاس
ولا كنـي الا ضايـعٍ فــي زمـانـي
أوراق عمـري كـم لهـا منـك يبّـاس
واللـي طواهـا فـي غيابـك طوانـي
وان كان ما صدقتني يا اقـرب النـاس
عـادي ! ولكـن حـط نفسـك مكانـي
ابك انت لو فـي داخلـك ذرة احسـاس
مـا كـان زايـد فـي غيابـك يعانـي
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث455
جميع الحقوق محفوظة لبوابة الشعراء .. حمد الحجري ©