تاريخ الاضافة
الإثنين، 5 أبريل 2010 01:35:13 م بواسطة المشرف العام
0 422
محراب صمتك
على محراب صمتك علقينـي
أبخنق شك قلبي فـي يقينـي
والى مني تماديت فحضـوري
وشفتي لهفتي فيـك اطلقينـي
أبركض فالسحايـب واتبلـل
واذا شفتيني ابطيت الحقينـي
ابغرق في غرامك يا غرامـي
عليك الله وامانـه واغرقينـي
ألا يا نـور هالدنيـا واهلهـا
مثل ما اعشقك ودي تعشقيني
ترى مالي سواك انتي حبيبـه
ولا حبيت غيـرك صدقينـي
لأنك ساكنه في وسط روحـي
ابزفر لهفتي بـك واشهقينـي
والى هب الشتا البارد علينـا
بلاش النار قومي واحرقينـي
أبدفى في حضورك عن غيابك
واضيّعنـي وادوّر والتقينـي
باحطك يا عيوني في عيونـي
وحطيني فعينـك واسرقينـي
باسنبل ذكرياتك فـي يدينـي
وعلى يديّنك ارجوك اورقيني
وابهمس لك أحبك يا حياتـي
وانـا ودي عليهـا تسبقينـي
والى منّك سكتي قلـت يكفـي
على محراب صمتك علقينـي
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث422
جميع الحقوق محفوظة لبوابة الشعراء .. حمد الحجري ©