تاريخ الاضافة
الإثنين، 5 أبريل 2010 01:38:24 م بواسطة المشرف العام
0 462
الهيل والنعناع والقرفه
أمر من عند بيتـك والمـح الغرفـه
شبّاكهـا يشتكـي غفـوة ستايرهـا
واخذ نفس من قصيدي واشهق بحرفه
واجدّل ابيات شعري مـن ظفايرهـا
واحس قلبي يغضّ شوي من طرفـه
ويذوب في ملحهـا قـدام سكّرهـا
الترفه اللي كثر مـا احبهـا ترفـه
أضيع فيها من اولهـا إلـى اخرهـا
في صوتها الهيل والنعناع والقرفـه
وفصمتها مسكها مـا مـل عنبرهـا
لو حبها ذنبي اللـي كنـت مقترفـه
حبيتهـا اكثـر وللـزلات غافرهـا
ولو حبها الموت ما مانعت في صرفه
لعروق قلبي قبل حتى لا اشاورهـا
ولو حبها صبح يتسلل مـن الشرفـه
حلفـت لعيونهـا مانـي مسكرّهـا
لكنه الحب عشتـه زيـن واعرفـه
معها لقيته وعشته فـي مشاعرهـا
لو انها بس لا ملّـت مـن الغرفـه
تمـر شبّاكهـا لعيـون شاعرهـا !
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث462
جميع الحقوق محفوظة لبوابة الشعراء .. حمد الحجري ©