تاريخ الاضافة
الإثنين، 5 أبريل 2010 01:38:58 م بواسطة المشرف العام
0 522
تمتير
الغـلا وام الحـلا وش تقوليـن
فالشوق لا من صار في هيئة انسـان
هذاك انا عايش معـه بيـن قوسيـن
إن خفّ : زلزلني واذا ثار : بركـان
وانتي على كيفـك تجيـن وتروحيـن
وتمتّريـن القلـب شريـان شريـان
ما اقسى من الحرمان .. وانتي تعرفين
ما يجتمع فالحـب وصـلٍ وحرمـان
والحب وش هو : غير نشوه وقلبيـن
إلى التقوا تشطـب سوالفهـم ازمـان
عامين مـرّت مـا تسمـى بعاميـن
ما ضمّـت يدينـك يدينـي بتحنـان
روحي اسألي وشلون وضع المحبيـن
لا طوّلوا عن بعضهم جاهم جنـان !!
والمشكلة ماهـي ب قولتـك بعديـن
المشكلة بعدين ما جـت إلـى الآن !!
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث522
جميع الحقوق محفوظة لبوابة الشعراء .. حمد الحجري ©