تاريخ الاضافة
الإثنين، 5 أبريل 2010 01:40:45 م بواسطة المشرف العام
0 855
عذب السجايا وعوده باول الكنه
(عذب السجايا وعوده بـاول الكنّـه ) يجينـي
( متى تزين السوالف واخذ علومه ) من الراس
والصيف روّح وجانا البـرد واستيقـظ حنينـي
واشعلت شمع انتظاري في رجاه وقلت لابـاس
يا اعذب من الما وجودك في سنيني هو سنينـي
وشلون ابرواك وعروق الوصل من عام يبّـاس
والوقت يركض بلا ساق وقـدم ويطيـح فينـي
وانا اتعلّق على باب الرجا مـن خيفـة اليـاس
كيف احتوي ضحكتي والشـوق عيّـا يحتوينـي
تفجرّت بي ينابيعـه سهـر واحـلام واحسـاس
والدمعه اللي خذلهـا الصبـر تستغفـل يدينـي
مثل السجين يتحرى من عذابـه نـوم حـرّاس
طال انتظاري وصبري طـال واللهفـة فعينـي
والناس ما تسمع المجروح ) لا من قال يا ناس
وانت اكثر الناس في قلبي واعرف انـك تبينـي
تحتاجك الروح ويسولف غلاك ان هب نسنـاس
بعض العرب لو يجيني قلت ليتـه مـا يجينـي
ألا انت ودي تجيني واخذ علومك مـن الـراس
مابين الاقواس لمساعد الرشيدي و بندر بن محيا

إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث855
جميع الحقوق محفوظة لبوابة الشعراء .. حمد الحجري ©