تاريخ الاضافة
الإثنين، 5 أبريل 2010 01:45:02 م بواسطة المشرف العام
0 473
الخطا شين
رميت قلبي فـي يديـن السهـر ليـن
أصبحت والكون أصبح لمالـك الكـون
ما طاب لي ليلـي ولا غمضـت عيـن
حرٍ طليـق بداخلـي شـوق مسجـون
كن السهر دين وتعبـت اوفـي الديـن
غرقان به والنوم ما مـد لـي عـون !
طيفـك يداعبنـي وانـا اداعبـه بيـن
صحو النعاس وعاشـقٍ فيـك مجنـون
آخر رسالة منك جتني وانـا ويـن ؟؟
معهم واحاسيسي معك لـو يحسـوّن !
أقول في نفسي خطـا والخطـا شيـن
أخطيت في حقك خطـا دون مضمـون
وشلـون خليتـك بدونـي تنامـيـن ؟
سألت نفسي لين مليّت ... وشلـون ؟؟
عجزت لا القى لي عذر بس .. تدرين !
لا ترحميـن القلـب لـو كلـه طعـون
وانا باقول اليـا اتصلتـي بـي أهليـن
لا والله اكثر مـن كـذا فـوق مليـون
كني أبد ما اخطيـت وانتـي تغاضيـن
عن غلطة الشاطر مـا دام انـه يمـون
أنـا حبيبـك وادري انــك تحبـيـن
غلطات قلبٍ مـا سمحتـي لـه يهـون
أدري كـذا قلبـك يـحـنّ وتحنـيـن
كـذا الحبايـب بالقسـاوة يحنـوّن !!!
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث473
جميع الحقوق محفوظة لبوابة الشعراء .. حمد الحجري ©