تاريخ الاضافة
الإثنين، 5 أبريل 2010 01:46:26 م بواسطة المشرف العام
0 648
تعال ابغاك
حبيبـي اذا تسمـح دقيقـه تعـال ابغـاك
با اقول لك حاجه تشغل البال مـن يوميـن
احبك واموت بحبك ايضـاً بعـد واهـواك
احبـك مـن اول ياحبيبـي الـى هالحيـن
واحبـك الـى بكـره وبعـده ولا تخفـاك
مشاعر غـلا مستوطنـه ماتبـي تخميـن
عذلني هذاك وقلت: خلـك بعيـد هنـاااااك
وهذيك جتني قلت اسف ما اعرفك ميـن؟؟
وخليت كل النـاس لاجلـك وقلـت ابغـاك
لإنـك تسـاوي عنـدي عيونـي الثنتيـن
سنه كامله ما لذّ لـي غيـر هـرج شفـاك
ولا لاق في عيني من الزين غيـرك زيـن
سنه كامله لامـن طلبتـك تجـاوب جـاك
سنه كامله ما مـرّ فـي مسمعـي: بعديـن
سنه كاملـه مرّيـت باحساسـي الأفـلاك
أسافر ولا ادري وين رايح؟ ولا من ويـن
سنه كامله يـا عـلّ كـل البنـات فـداك
وانا اشيلك بقلبـي واحطـك بنـون العيـن
كأني كـذا طوّلـت فـي هرجتـي ويـاك
اب اوجز لك الموضوع في بيت من شطرين
تبي الجد والله مـا هويتـك وانـا بانسـاك
ولا يمكن اصبر عنك حتـى ولـو يوميـن
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث648
جميع الحقوق محفوظة لبوابة الشعراء .. حمد الحجري ©