تاريخ الاضافة
الإثنين، 5 أبريل 2010 01:48:05 م بواسطة المشرف العام
0 432
بدون
قال وين الشمال وقلت ما مـن شمـال
قال وين الجنوب وقلت ما من جنـوب
قال غلطان قلت ادري ولكن سـؤال :
وش تسوي ليا ضاقت عليك الـدروب
كـل حـد ينادينـي بصوتـه تـعـال
واتذكر زراق البْحـر وقـت الغـروب
ليت لي من زراق البحر دفتر وصـال
ينقل احلامـي البيضـا لكـل القلـوب
آآآآه يا ليت لي قدره واشـد الرحـال
نوب اشرق / واغرب لا تضايقت نوب
والله اني قـوي البـاس مابـي خمـال
ودون داري ذراعي ثابته ف الخطوب
كل ما قلت باكـر ينفتـح لـي مجـال
شفت باكر مثل أمسي يمـر مغصـوب
آآآآه يا كبر جرح مرني مـن خـلال
يا ( بنود ) او ( بدون ) وكلبوهن ذنوب
السواحل حزينـه والرجـا ف الجبـال
يمكن تحس بقلـوب تـذوب و تـذوب
يوم طال الطريق وقلت وش فيه طـال
أثرنـي وسـط دوار الحيـاه مْغلـوب
الله انـه يسهلهـا علـى كـل حــال
يمكن ب يوم افرق بين غرب وجنـوب
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث432
جميع الحقوق محفوظة لبوابة الشعراء .. حمد الحجري ©