تاريخ الاضافة
الإثنين، 5 أبريل 2010 01:53:03 م بواسطة المشرف العام
0 558
حلم با الألوان
مانيب اعانـي دامهـا مـا تعانـي
هالمترفه من حبها ينسى الاحـزان
بنـتٍ بريئـه تستـفـز الثـوانـي
في عقرب الساعه وهو فوق جدران
بنـتٍ سوالفهـا تغيـظ الأغـانـي
كلامهـا لا سولفـت كنـه الحـان
لو تقدر تجيـب المجـرّه عشانـي
كان القمر والشمس فـي كفـي الآن
لا سولفت لي سولفت عـن حنانـي
وعن حبها اللي كله جنان ب جنـان
علـى أريكتهـا تعيـش الأمـانـي
تحلم بها لو تجلـس بكـل تحنـان
وعن المخده فْراشها صـار انانـي
يغيظها وتغيظه ب شعـر واوجـان
الله عليهـا نومهـا شكـل ثـانـي
الحلـم لا نامـت تشوفـه بالالـوان
والى صحت من نومها عـاد مانـي
قايل لكم خطواتها تشطـب ازمـان
تضحك وانا مدري ويضحك زمانـي
تميل يتمايـل لهـا قلـب وانسـان
تضيق وادري بضيقهـا ويغشانـي
ضيقه ولو ترضى رضا خاطري بان
أصلاً رضاها ينسكب فـي كيانـي
وتميل له في داخلي كل الاغصـان
والى شعرت انـه بلحظـه روانـي
اصب شعري فـي فناجيـل الاوزان
واكتب على كف الزمن كيف اعاني
وهالمترفه تنسف من القلب الاحزان
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث558
جميع الحقوق محفوظة لبوابة الشعراء .. حمد الحجري ©