تاريخ الاضافة
الإثنين، 5 أبريل 2010 01:55:38 م بواسطة المشرف العام
0 440
المعقول واللا معقول
بعد ما رفعـت اقـلام السكـون وجفّـت أوراقـه
تطايح من ظـلام الوقـت ليلـة نـور مسروقـه
تعبت من التعـب مـن بابـه المفتـوح للطاقـه
مشيـت بخطوتيـنٍ لاحقـه فـي درب ملحوقـه
أبشعـل شمعتيـن وباتـرك الهقـوات منسـاقـه
مع ان اخر هقاوي ضحكتـي بالحـزن مشنوقـه
أبكتـب فيـك يـا حزنـي قصيـدٍ لاح بـرّاقـه
وابمطـر مـن عذابـي دمعـةٍ ماهيـب مفهوقـه
كذا يا وقـت تهدينـي مـن سنيـن الألـم باقـه
وتتركني لنخـل جروحـي اللـي مالـت عذوقـه
وانا يا وقـت مالـي فيـك لا قـدره ولا طاقـه
ولااحدٍ في حياته جت حياتـه لـه علـى ذوقـه
اشوف الناس من حولي علـى السجّـات سباقـه
واشوف اني لحالي فـي طريـقٍ تاهـت وفوقـه
بديت استوعب ( المعقول ) واغرس حرف فاعماقه
علشـان ابتساماتـي تجـي ماهيـب مخنـوقـه
أبرحـل عنـك يـا دنيـاٍ تشـد الفـرح بوثاقـه
أبرحل لاي سكـه تنتشـل قلبـي مـن عروقـه
كفـن أبيـض وتنهيـده ودمعـة حـزن حرّاقـه
تكفي فـي زمـن فيـه اللحـى بالـذل محلوقـه
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث440
جميع الحقوق محفوظة لبوابة الشعراء .. حمد الحجري ©