تاريخ الاضافة
الإثنين، 5 أبريل 2010 02:01:19 م بواسطة المشرف العام
0 440
جهة خامسة للبكاء
من خلف جدران البعـاد اشعلـت نـاري وانطفيـت
معـي السهـر واللوعـه اللـي تستفـز الذكريـات
لا .. ما بكيت ... الاّ بكيت ... آسف انا فعلاً بكيت
والدمعه اللي حوّلـت مثـل الشجـاع ليـا استمـات
ياليتنـي مـا جيـت للـدرب الكئيـب ولا سريـت
يا ليتنـي قـدام ادوس القلـب بالرجليـن مـات !!!
أو ليتني ... هوّنت .. وش ينفع إلى من قلـت ليـت
خلاص راحت واستحال الحـب واللـي فـات فـات
تعال يا قلبي ب اسولـف لـك والـى منـك غفيـت
ابطعنك ... لا لا .. اخاف ... اطعن غلا ست البنات
اشوفها تبكي هنا في داخلك ... وش بـك سهيـت ؟
ذكرتها ؟ حنيّت ؟؟؟ طيب بسألك ويش السـواة ؟؟؟
وش ينفعـك يـا قلـب لا منّـك تندّمـت وخذيـت
عهدٍ على نفسـك يكونـون البنـي مثـل الخـوات
قم صب فنجال الندم واشـرب والـى منّـك رويـت
إضحك على دجله وعلّمهـا عـن اسـرار الفـرات
واكتب على سبورة احلامـك أخـذت ومـا عطيـت
فـي يـدك طبشـورة غـرام وباقـيٍ منهـا فتـات
غنّ الوجع .. واستنفر الآهات ... والاّ مـا دريـت
إنّي بقايا انسان .... كان .... ولو تنـادي لا حيـاة
هذا السهر إنشودتـه غنّـت معـي فـي كـل بيـت
ترقّص على شفّة دموعي من ورا خمـس الجهـات
( اليوم محتاج لدفا للشمـس ) معقـول انتهيـت !!!
هـذا أنـا ف مرايتـي واقـف ... ولكنّـي رفـات
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث440
جميع الحقوق محفوظة لبوابة الشعراء .. حمد الحجري ©