تاريخ الاضافة
الإثنين، 5 أبريل 2010 02:03:09 م بواسطة المشرف العام
0 417
اسرع من الدمعه
الوقـت ميلاتـه تراهـا سريـعـه
اسرع من الدمعه على خـد الايتـام
الصعب لو حاولـت بـه تستطيعـه
اليـوم بكـره بعـد بكـره وقــدام
وماهوب شرط الوقت دايـم تطيعـه
خلك علـى صكـات الايـام مقـدام
واحساسـك اللـي يتعبـك لاتبيعـه
حتى ولو باعـك خوالـك والاعمـام
وسرك على غيـرك أبـد لا تذيعـه
والقرش الابيض خله لسـود الايـام
وحاول اذا تقدر تجـي ف الطليعـه
ماغير الاول بس من يلبـس وسـام
واذا بدا لـك مـن عـدوك خديعـه
لا تامنه حتـى ولـو مـرت اعـوام
واللي تبيـه ومـا حصلـك جميعـه
خذ ما حصل لك دامها صارت اقسام
دايم خريـف الوقـت يتبـع ربيعـه
واذا ظلمت النـاس بيجيـك ظـلاّم
اقسى شعور انـك تشـوف القطيعـه
واجمل شعور تحس به وصل الارحام
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث417
جميع الحقوق محفوظة لبوابة الشعراء .. حمد الحجري ©