تاريخ الاضافة
الإثنين، 5 أبريل 2010 02:03:48 م بواسطة المشرف العام
0 455
ياللي تدور خير
صوت الرجا بارد ولاهوب مسمـوع
واليـاس خيّـم فالخلايـق وسنتـر
واللي يبيها طوع ما جات له طـوع
واللـي تقـدّم خطوتـه لـلـورا در
صار الردى مابين الاقراب مـزروع
الابن عم انـذر ولا عمـره اعـذر
الاصل ضاع وباقـي عقبـه فـروع
متفـرده بالنفـع وتـدوّر الـضـر
دام الحيا منـزوع فالخيـر منـزوع
ياللي تدوّر خير جنّـب عـن الشـرّ
كانك تبي مشروع ! فالصمت مشروع
للصمت نـاس وللسواليـف مصـدر
ورفيقك اللي ترتجي منـه قرطـوع
لو في يده ما اسقاك ويقول ما اقـدر
أسهل عليك فهالزمـن حبـة الكـوع
من وقفةٍ من قلب صاحبـك تظهـر
الفاعـل المرفـوع ماعـاد مرفـوع
من يوم صار الفعل مبني على الجـر
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث455
جميع الحقوق محفوظة لبوابة الشعراء .. حمد الحجري ©