تاريخ الاضافة
الإثنين، 5 أبريل 2010 02:08:01 م بواسطة المشرف العام
0 481
فرصه
يا دمع فرصه في غيـاب المناديـل
خذ راحتك لاطحت مادامني طحـت
جرد الصحاري لا انكرت ظلمة الليل
الصبح يفضحهـا ومنبوتهـا سحـت
وانا سريت الهـم جملـه وتفصيـل
وعلقت قلبي لين من طيبه ارتحـت
واعتقت لعيون السهر سبّـق الخيـل
وفي غفلة اشواق الوله سرّي افصحت
يوم انتثر بعضـي غيـوم وهماليـل
أمسيت بهمومي وبهمومي اصبحـت
يا تاركتنـي للتعـب شـدّي الحيـل
الحب صادق والزمن بالشقـا بحـت
لو تلمسيـن القلـب تهدينـه اكليـل
لو ترسمين الشوق للشـوق سانحـت
تتلعثميـن مـن الغـلا والمواصيـل
واقول لعيونك ليـا شفتـك افلحـت
سودك و عودك والغنـا والمواويـل
راحت معك وانا بعد روحتك رحـت
خلـي مقابيـل الليـالـي مقابـيـل
لمحت لك وان كان ما فادك افصحت
لا طاح دمعك ذي كفوفـي مناديـل
ماودي المح دمعتك دامنـي طحـت
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث481
جميع الحقوق محفوظة لبوابة الشعراء .. حمد الحجري ©