تاريخ الاضافة
الإثنين، 5 أبريل 2010 02:08:49 م بواسطة المشرف العام
0 554
صباحات معتقه
وين انا عنك .. يا العـذب .. والعـذب الرقيـق
دام مسـراي يتمرجـح .. علـى خيـط الظـلام
صارت السكه ب عيني .. مدينـه مـن حريـق
تلتهـم كـل المسـارات ... ب شفـاه الـكـلام
والرياض .. الحلم .. والحلم .. ما يعتق طريـق
لو عيوني تعتق الدمـع ... ضيقـات .. ومـلام
آآآه تولد ... وآآآه تدفن ب صـدرٍ مـا يضيـق
وانت صوتك ينتشلنـي ... مـن يديـن الزحـام
كم حسدت العقد صـدرك.. وخاتـم مـن عقيـق
في يدك .. لو نامت الناس .. يسهر .. مـا ينـام
يا حبيبي وانت الابعد ... والاقـرب مـن شقيـق
ضمني لك حلم ... ب اهديك سربٍ مـن حمـام
ودي اتعلّـق ب صمتـك ... ويديّنـي تـريـق
ما تبلّل من حنينـي ... علـى اطـراف الغمـام
ليه ما اسكر في حضـورك... ونفحاتـك رحيـق
يا المعتّق ب الصباحـات ... قـدر 2000 عـام
ما يساورني بك الا انت ... لا بليّـت ... ريـق
وصرت اشوفك تختصرني .... سواليف .. وغرام
بعدها .... ويني !!! ووين انت !! يا العذب الرقيق
نشعل اللحظات نشوه ..... ونطفيها ظلام !!!!!!
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث554
جميع الحقوق محفوظة لبوابة الشعراء .. حمد الحجري ©