تاريخ الاضافة
الإثنين، 5 أبريل 2010 02:10:29 م بواسطة المشرف العام
0 443
شلة حراميه
تستاهليـن الغـلا ميّـه علـى مـيّـه
من قصة الشعر حتى روس اصابيعك !
أهديتك القلـب وانتـي فيـه محميّـه
إسمك وختمك بوسطه فوق توقيعـك !
لـو اقـدر اسجلـه بـاوراق رسميّـه
يصير ملكـك بتصريفـك وتسنيعـك !
رموشك الناعسـه ( شلـة حراميّـه )
مني خذوني وصرت اكبر مشاريعـك
والا مشاريـع غيـرك فـيّ وهميّـه
مادامي اعصانـي بدنيـاي واطيعـك
صرت اتعلّم معك في ( محو الاميّـه )
أمشي على منهجك واقـرا مواضيعـك
وصارت حروفي على سكّتـك مرميّـه
الجهل ظلمـا وابانهـل مـن ينابيعـك
علاقتي فيك بابلغ وصـف ( حتميّـه )
شوفيني احيا على دعمك وتشجيعـك !
عساني اخذ معـك ميّـه علـى ميّـه
وابوّسك من جبينك ليييييين اصابيعك !!
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث443
جميع الحقوق محفوظة لبوابة الشعراء .. حمد الحجري ©