تاريخ الاضافة
الإثنين، 5 أبريل 2010 02:12:28 م بواسطة المشرف العام
0 460
يامرحبا باالموت في الفلوجه
فز المجاهد ما جزع مـن موتـه
يوم المريكـي خطتـه مفلوتـه
يبغى يدمّر كل صـوتٍ يصـرخ
ومن ضيعته أحرق جميع كروته
صاح العراقي صيحـةٍ مشهـوده
يشهد لها الميت وسـط تابوتـه
يا مرحبا بالمـوت ف الفلوجـه
موتة شهاده مـا تسمـى موتـه
الموت موت اللي ماغيـر تنـدد
أصـوات والا افعالهـم مكبوتـه
حنا العرب والنعـم لا هايطنـا
أمجادنـا فيمـا مضـى مثبوتـه
بغداد طاحت مـا تكلّـم واحـد
كـلٍ يعقّـد حاجبـه ب سكوتـه
ولو طاح لاعب كلنـا صايحنـا
يا كلب يابن الكلب وش ذا الشوته
ما عندنا حيلـه لشـيٍ يجـري
الا المصلي لا دعـا ف قنوتـه
ندعي على امريكا ومن والاهـا
والكل منهـا يشتـري بسكوتـه
ياهل العـراق قلوبنـا محترقـه
واوراقنا يـا للأسـف محتوتـه
أنتم شجاعتكـم شجاعـة مسلـم
وخطواتكـم قنـابـلٍ موقـوتـه
مقاومتكـم مـع صـلاح النيّـه
صوتٍ ولا نرضى أبد ب خفوته
قـم يالعراقـي ردد الله واكبـر
ونعاهـدك بنتـابـع الحـدوتـه
والى انتصرت نقول كنـا معكـم
بقلوبنـا والا العـرى مفلـوتـه
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث460
جميع الحقوق محفوظة لبوابة الشعراء .. حمد الحجري ©