تاريخ الاضافة
السبت، 10 أبريل 2010 06:58:24 م بواسطة المشرف العام
0 543
نكهة اعنابك
خليني ارضي عنادك وارضي غـروري
وانا اوعدك لا رضيتي عني ارضى بـك
تأملّـي وش تخبّـى داخـل سطـوري
وانا اوعدك ما تعدّى عينـي كتابـك !!
واما احترقت بك في لحظة دفا ثوري !!
وانا اوعدك لاحترق بك حيل وادفى بـك
ويش الدلال بحضورك وش هو الجوري
لا صار عقدك يغـار وتخجـل اطيابـك
يا مغيّبتني وانا حاضر عـن حضـوري
ب اعلّم الشمس لا غابت عـن غيابـك
وان جابك الله على يسـري وميسـوري
عزفت لحن الوصال ب نكهـة اعنابـك
يا غصن الاحلام كم حنّت لك طيـوري
وكم حنّ قلبي وهو واقـف علـى بابـك
إشتقت لك لين صرت استسخف شعوري
إشتقت لك لين صـرت اشتـاق لثيابـك
هذا الغلا صار ضارب ف اعمق جذوري
والمشكله كان هذا الشـوق مـا جابـك
أبي وعد منك بس ارضي لي غـروري
وانا اوعدك لاصبح اول واخـر احبابـك
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث543
جميع الحقوق محفوظة لبوابة الشعراء .. حمد الحجري ©