تاريخ الاضافة
السبت، 10 أبريل 2010 07:00:59 م بواسطة المشرف العام
0 482
الشيخ عبدالعزيز بن جامع
للشعـر عشاقـه وللشاعـر افكـار
وللفكـره المعنـى وزيـن التعابيـر
واليا بديت القـاف مانيـب محتـار
كن المعانـي قـدم عينـي طوابيـر
أختار منها مثـل مـا ودي اختـار
وتمطر مثل غيث السحاب المزابيـر
الى تغزلت اهـدي ورود وازهـار
والى مدحت امدح رجـالٍ مناعيـر
والمدح ما هو سـرّ لا والله جهـار
يستاهله شيـخٍ كسـب كـل تقديـر
هذاك ابو خالد عسى عمره اعمـار
دون القبيلـه وقفتـه دايمـاً غـيـر
لا قيل ابن جامع / سكت كل هـذّار
ريف اليتامـى فالليـال المعاسيـر
زبن الدخيل ومكرم الضيف والجـار
ويشهد على ما اقول صفرٍ مباهيـر
في قصره اللي واضحٍ مد الابصـار
متوسطٍ في نجد في منـزل الخيـر
هو ذخرنا لا صار فالوقت ما صار
لاد المروّح ) ما شكوا منه تقصير
في مجلسه تلقاهـم صغـار وكبـار
وزودٍ على الروسان تلقى الخطاطير
ما يبخل ب جاهه ولا ساق الاعذار
وفي نظرته تلقى لحاجتـك تبشيـر
هو شيخنا اللي ياقف الماقف الحـار
طبعٍ لجدانه وهـو واصـل السيـر
يوم انها غارات ومواجـه اخطـار
ومواقعٍ يشبع بهـا الذيـب والطيـر
تلقى الجوامع من على قحص الامهار
خيّالهـم يفتّـك وان ثـارت يغيـر
واليوم في وقت الرخا صاروا اسوار
درعٍ لنـا نلجـا لهـم دون تفكيـر
هـذي تعابيـري وللشاعـر افكـار
ولا لي وراها غير صدق التعابيـر
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث482
جميع الحقوق محفوظة لبوابة الشعراء .. حمد الحجري ©