تاريخ الاضافة
الإثنين، 12 أبريل 2010 07:36:49 م بواسطة المشرف العام
0 473
اهوا دا اللي مش معقول
تنفـس غرامـك داخـل القلـب واسقانـي
قراح المشاعر بيـر محفـور جنبـه بيـر
احبك ولو سولـف عـن احساسـي لسانـي
يضج المـدى وتعانقـه روعـة التصويـر
تعالي باسولف لـك عـن إغفايـة احزانـي
وعن عاشـقٍ فالحـب مـا خانـه التعبيـر
زمانـي الـى مـنـه بقـسـوه تحـدانـي
ذكرتك وقلـت أي والله ان الزمـان بخيـر
غرامك ذبحني؟ ما اعتقـد يمكـن احيانـي
من الواقع اللي عشت به في رجـا التغييـر
اقـول الـك لا قلتـي حبيبـي بتجفـانـي؟
( أهو دا اللي مش ممكن ) ابد فالحياه يصير
لأنـك غـذا قلبـي ودمــي وشريـانـي
ونبضي وروحي والمشاعـر فقـط لاغيـر
نسيـت الله انـه يقطـع ابليـس نسـانـي
نسيت انك انتي كـل مـا يشغـل التفكيـر
من اول لقا لاخر لقا يوووووه وش جاني؟؟؟؟
أحس ان لي جنحان وانتي معي ونطيـر!!!
بفستانـك الاحمـر واضـمـك بجنحـانـي
والى طالعت عينـك لنجمـه عليـك اغيـر
واشـوف الزمـن يرجـع عليّـه ويقرانـي
كأنـه يـدوّر عـن سبـب قسوتـه تبريـر
واقول اله هيّـن يـا زمـن كيـف تبغانـي
اسامحك عن قسوتك يوم انجرحـت صغيـر
زمـانٍ مضـى مابيـن همـي وحرمانـي
وضيقات ما تستحمـل الصـرف والتجييـر
انا اشهـد شهـاده ربـي بلطفـه اعطانـي
حبيبـه تغنـي للحدايـق يطيـح الطـيـر
توصينـي امـشـي بالـهـداوه وتبـلانـي
الى كلمتني مـن جنونـي عكسـت السيـر
انا كيـف ابسـرع دامهـا هـي تحرانـي
تكلّم وتسألني : حبيبـي وصلـت بخيـر ؟
تشربتهـا باحسـاس واحساسهـا اسقانـي
قراح المشاعر بيـر محفـور جنبـه بيـر
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث473
جميع الحقوق محفوظة لبوابة الشعراء .. حمد الحجري ©