تاريخ الاضافة
الإثنين، 12 أبريل 2010 07:37:57 م بواسطة المشرف العام
0 520
حزني واعرفه زين
أنا كذا من غير ما اشرح لـك الحـال
جرحـي مشـرّع والعواصـف تهلّـه
ميّلت حزني .. مال بي ألـف مـوّال
سيّلت دمعة .. وانبـرى الدمـع كلّـه
كن الدموع تطيـح منـي .. وتختـال
أو كنـهـا لا حـوّلـت... مسفهـلّـه
ويوم اختنق في صوتي احساس رجال
صبيت لـه مـن ضيقـة البـال دلّـه
كنت انتظر في صمت .. وبموت الامال
كتبـت لغـز ومـا تمكنـت احلّـه !
يا مهرتي : مـا عـاد للخيـل خيّـال
لـو فـي يمينـه سيـف دايـم يسلّـه
والله مـدري كيـف هالحـزن ينقـال
لا ضـاع مـن قلبـي عيونـي تدلّـه
أكذب عليك ان قلت ما جا على البـال
حزني .. واعرفه زين .. جا في محلّه
والبارحة صبري على وحدتـي طـال
حبلـه تعقـد بـي وحاولـت افـلّـه
يا شينها لا صرت ظامي على جال !!
الريـق ناشـف وانـت عاجـز تبلّـه
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث520
جميع الحقوق محفوظة لبوابة الشعراء .. حمد الحجري ©