تاريخ الاضافة
الإثنين، 12 أبريل 2010 07:44:41 م بواسطة المشرف العام
0 422
خمسة عشر ماتوا علشان صندق
يا ذوق كلك ذوق لو مـا حصـل ذوق
لو ما حصل لي منـك روحـه وجيّـه
دايم مشاويـرك مـن البيـت للسـوق
علـى الأقـل مـرّي عليّـه شـويّـه
نجلس / نسولف / ننبسط / ندفن الشوق
شاهـي منعنـع / قـهـوةٍ شاذلـيـه
الله وكيلك مـا طـرى لبالـي يـروق
مـا دام يـدّك مـا غفـت فـي يديّـه
كني على شان السهـر بـس مخلـوق
مـا عـاد عنـدي للسهـر قابلـيّـه
بديت احس اني كذا صـرت مخنـوق
من لهفتي / من رغبتي / يـا صبيّـه
ودي لو اصبر بس صار الصبر فـوق
مـا يحتمـل قلبـي ويصعـب عليّـه
عيد الفطر كنّه على الوجـه مصفـوق
من دون شوفك لين صرت ( الضحيّه )
خمسة عشر ماتوا على شان صنـدوق
وانـا باقـدم لـك حيـاتـي هـديـه
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث422
جميع الحقوق محفوظة لبوابة الشعراء .. حمد الحجري ©