/>.

تاريخ الاضافة
الإثنين، 12 أبريل 2010 07:45:41 م بواسطة المشرف العام
0 601
لا صار خلك عسل
خيرك على القلب سابق وانت سابقني
على المحبه وروحـي منـك منتلّـه
شرّعت لك باب قلبي لجل تسرقنـي
لا والله الا عشـان القلـب تحتـلّـه
جيتك بقلبي رضا بالحـب طوّقنـي
اطوه على كيف كيفك وارجع وفلّـه
مابيك تزعـل علـي والا تفارقنـي
إن كان زليت عادي طـوّف الزلـه
كلك على بعضك برقتّـك مغرقنـي
وان ضاع قلبي ! يدلك زين وتدلّـه
والله كنـك علـى نفسـي تفرّقنـي
لا غاب صوتك وانا اتحراه في حلّه
لا غاب عني أحس بشـي يحرقنـي
شيٍ يخلـي دمـوع العيـن منهلّـه
مافيـه حاجـه بهالعالـم تضايقنـي
مثل انتظار اتصالـك دقـه وجلّـه
يا مالك القلب من قال لـك تعتقنـي
خلـك بقربـي مابيـك تفارقـه لله
لـو هـو بكيفـي تمنيتـك تعلّقنـي
في وسط غرفتك لاجل احساسي تبلّه
لكني اخشى كثير الحـب يرهقنـي
لا صار خلك عسل لا تلحسه كلـه !
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث601
جميع الحقوق محفوظة لبوابة الشعراء .. حمد الحجري ©