تاريخ الاضافة
الإثنين، 12 أبريل 2010 07:46:25 م بواسطة المشرف العام
0 476
طاروق طاروق
من وين ما هبّـت علـي الطواريـق
رتبتها لحضرتـك طـاروق طـاروق
والشعر لـو بيبـان حرفـه مغاليـق
فتحتهـا بالحـب ومكابـد الـشـوق
ياللي عيونك عـن عيـون المخاليـق
كن الولـه لعيونـك السـود مخلـوق
يظمـاك قلـب ويابسـن المعالـيـق
وان مر لك طيف يتبلل بـه عـروق
ياليت معك الحب : رجـوى وتحقيـق
على الاقل أو كـل مطـرود ملحـوق
متعلّـقٍ حبـل الرجـا فيـك تعليـق
وصوت الأمل من كثر الالام مخنـوق
عاميـن مـرّت والليالـي توافـيـق
وثوب الصبر من ضيقة الصدر مشقوق
لوّ ان لك قلبٍ علـى شوقـي يويـق
ما كان بعض الوجد بالوجـد مشنـوق
تعال كلك.. ما ورى ضيقتـي ضيـق
معك السهر رايق ومحبوبـك يـروق
يفـز لـك وتفـز كـل الطـواريـق
يمدها طاروق .. طاروق .. طـاروق
إسم الشاعرالبلدإسم القسمالمشاهدات
زايد الرويسالسعودية☆ شعراء العامية في العصر الحديث476
جميع الحقوق محفوظة لبوابة الشعراء .. حمد الحجري ©